மண்ணின் இயற்பியல் பண்புகளில் மூடாக்கின் தாக்கம்
-முனைவர். ப. இளங்கோ
நோக்கம்
1. மண்ணின் வெப்பத்தில் மூடாக்கின் தாக்கத்தை கண்டறிதல்.
2. மண்ணின் ஈரப்பதத்தில் மூடாக்கின் தாக்கத்தை கண்டறிதல்.
தேவையான பொருட்கள்
மூடாக்கு போட்ட விளைநிலம்
o நெல் / கோதுமை இவற்றின் வைக்கோலை மூடாக்காக பயன்படுத்தலாம்.
o சுத்தமான வெள்ளை அல்லது கருப்பு நெகிழி / காகித மூடாக்கையும் பயன்படுத்தலாம்.
o வேறுவகையான மூடாக்கையும் பயன்படுத்தலாம்.
· மூடாக்கு போடாத விளைநிலம்
· எளிய வெப்பமானிகள்
· மண் மாதிரிகள் சேகரிக்கும் கரண்டிகள்
· மாதிரிகளைச் சேமிக்க உதவும் குவளைகள்.
ஆய்வு நெறிமுறைகள்
வெப்பத்தின் ஆய்வு
· ஒரே தன்மையுள்ள மூடாக்கு போட்ட, மூடாக்கு போடாத இரண்டு விளைநிலங்களை எடுத்துக் கொள்ள வேண்டும்.
· மூடாக்கிட்ட, மூடாக்கிடாத நிலங்களில் 5 செ.மீ ஆழத்தில் வெப்பமானியை சொறுகி 8, 12, 20 ஆவது மணி நேரங்களில் வெப்பத்தைப் பதிவு செய்ய வேண்டும்.
· பகல் நேரம் வெப்பத்தைப் பதிவு செய்து மேற்கூறிய இரு வகை நிலங்களில் எது வெப்பமாகவும், எது குளிர்ச்சியாகவும் உள்ளது எனக் கண்டறிய வேண்கும்.
· ஈரத்தன்மைக்கான ஆய்வு
· 250 மிலி கொள்ளவு கொண்ட 8 காலி குவளைகளின் எடையினைக் காண வேண்டும்.
· மூடாக்கிடாத, மூடாக்கிட்ட நிலங்களில் நீர்பாய்ச்சிய தேதிகளைக் குறித்துக் கொள்ள வேண்டும்.
· மேற்கூறிய நிலங்களின் மண் மாதிரிகளை 500 செமீ ஆழத்திலிருந்து கரண்டிகள் மூலம் எடுத்து குவளையில் அடைக்க வேண்டும்.
· மேலும் நீர்பாய்ச்சிய 7 நாட்களுக்குப் பின் மண்ணின் வெப்பத்தையும் கணக்கிட வேண்டும்
· ஈர மண்ணின் எடையை குவளையுடன் காண வேண்டும்.
· மாதிரிகளை உலர்த்தி குவளை எடையைக் கழித்து மண்ணின் ஈரப்பதத்தைக் காண வேண்டும்.
ஈர மண்ணின் எடை - உலர்ந்த மண்ணின் எடை
மண்ணின் ஈரப்பதம்(%) =
உலர்ந்த மண்ணின் எடை)*100
எந்த மண் அதிக ஈரப்பதத்தைப் பேணுகிறது என ஒப்பிடவும்.
தொடர்பானத் தகவல்
கருத்துகள் இல்லை:
கருத்துரையிடுக